അമേരിക്കയിലെ കാലിഫോര്‍ണിയയില്‍ നാലംഗ മലയാളി കുടുംബത്തെ കാണാതായി. സംഭവത്തിൽ ദുരൂഹത. സൂറത്തില്‍ നിന്നുള്ള സന്ദീപ് തോട്ടപ്പള്ളിയെയും കുടംബത്തെയുമാണ് കാണാതായത്. കഴിഞ്ഞ ബുധനാഴ്ച ഭാര്യക്കും രണ്ടു മക്കൾക്കുമൊപ്പം പോര്‍ട്ട്‌ലന്റിലേക്ക് വിനോദയാത്ര പോയതായിരുന്നു ഇവര്‍. എന്നാൽ വിവരങ്ങൾ ഒന്നും ലഭിക്കാത്തത്തിനെ തുടർന്ന് ബന്ധുക്കൾ പൊലീസിന് പരാതി നൽകി.

ഈ മാസം നാലാം തീയതി കാലിഫോര്‍ണിയയിലെ ക്ലമാത്തിലെ ഹോളിഡേ ഇന്‍ എക്‌സ്പ്രസില്‍ കുടുംബം താമസിച്ചിരുന്നു. ആറിനു വ്യാഴാഴ്ച ചെക്ക് ഔട്ട് ചെയ്ത ശേഷം വിവരമൊന്നുമില്ലെന്നു ടെക്‌സസിലുള്ള സന്ദീപിന്റെ ബന്ധുഅറിയിച്ചു. ഇതേത്തുടര്‍ന്നാണു പൊലീസില്‍ വിവരമറിയിച്ചത്.

ലോസാഞ്ചത്സിനു സമീപം സാന്റാ ക്ലാരിറ്റയില്‍ യൂണിയന്‍ ബാങ്കില്‍ വൈസ് പ്രസിഡന്റായി ജോലി ചെയ്യുകയാണ് സന്ദീപ്. സന്ദീപിന്റെ ഭാര്യ സൗമ്യ കൊച്ചി സ്വദേശിയാണ്. മക്കളായ സിദ്ധാന്തും സാച്ചിയും കാണാതാകുമ്പോൾ അവർക്കൊപ്പമുണ്ടായിരുന്നു.