വടക്കന് ബ്രസീലില് ഗാര്ഡുമാരെ ആക്രമിച്ച് കൂട്ടത്തോടെ ജയില് ചാടാന് തടവുകാര്നടത്തിയ ശ്രമത്തിനിടെ 20 പേര് കൊല്ലപ്പെട്ടു, 4 ഗാര്ഡുകള്ക്ക് പരിക്ക്
11 APRIL 2018 09:25 AM IST
മലയാളി വാര്ത്ത
വടക്കന് ബ്രസീലിലെ ബെലേം നഗരത്തിലുള്ള ജയിലിലുണ്ടായ കലാപത്തില് 20 പേര് കൊല്ലപ്പെട്ടു. ഗാര്ഡുമാരെ ആക്രമിച്ച് കൂട്ടത്തോടെ ജയില് ചാടാന് തടവുകാര് നടത്തിയ ശ്രമത്തിനിടെയാണ് മരണം. തടവുകാരുടെ ആക്രമണത്തില് നാല് ഗാര്ഡുകള്ക്ക് പരിക്കേറ്റു. ബെലേം നഗരത്തിലെ സാന്റാ ഇസബേല് ജയിലിലാണ് സംഭവമുണ്ടായത്.
ആയുധങ്ങളുമായി ജയിലിന് പുറത്തെത്തിയ സംഘത്തിന്റെ സഹായത്തോടെ രക്ഷപ്പെടാനായിരുന്നു തടവുകാരുടെ ശ്രമം. സ്ഥിതിഗതികള് നിയന്ത്രണ വിധേയമായെന്നാണ് വിവരം. തടവ് പുള്ളികളില് ആരെങ്കിലും രക്ഷപ്പെട്ടോ എന്നത് അന്വേഷിക്കുകയാണെന്ന് ജയിലധികൃതര് പറഞ്ഞു.
കഴിഞ്ഞവര്ഷം ബ്രസീലിലെ മനൗസില് ജയിലില് തടവുകാര് തമ്മിലുണ്ടായ ഏറ്റുമുട്ടലില് 56 പേര് കൊല്ലപ്പെട്ടിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
