ഫേസ്ബുക്ക് വിവാദത്തിൽ മുങ്ങിയതോടെ അവസരം മുതലെടുത്ത് ഓർക്കുട്ട്; വിപണി കീഴടക്കാന് ' ഹലോ ' ആപ്ലിക്കേഷൻ ഇന്ത്യയിലേക്ക്...
കേംബ്രിജ് അനലിറ്റിക്ക വിവാദത്തില് ഫേസ്ബുക്ക് മുങ്ങിയതോടെ അവസരം മുതലെടുക്കാൻ ഒരുങ്ങുകയാണ് ഓർക്കുട്ട് സ്ഥാപകൻ ഓര്ക്കുട്ട് ബുയോകോട്ടന്. തങ്ങളുടെ പുതിയ ആപ്ലിക്കേഷനായ ' ഹലോ ' ആണ് സമയോചിതമായി ഓർക്കുട്ട് സ്ഥാപകൻ ഇന്ത്യയിൽ പുറത്തിറക്കിയിരിക്കുന്നത്.
ലോകത്തിൽ സമൂഹ്യമാധ്യമങ്ങള് ഏറ്റവും കൂടുതല് ഉപയോഗിക്കുന്ന രാജ്യങ്ങളില് മുന്നിരയിലാണ് ഇന്ത്യ. അതേസമയം ഫേസ്ബുക്ക് ആരംഭിക്കുന്നതിന് മുന്പ് തന്നെ ജനഹൃദയങ്ങള് കീഴടക്കിയ സാമൂഹ്യ മാധ്യമമായ ഓർക്കുട്ടിന്റെ നിർമ്മാതാവും ഇവർ തന്നെയാണ്. വിപ്ലവകരമായ മാറ്റങ്ങളാണ് സാമുഹ്യമാധ്യമരംഗത്ത് ഓര്ക്കുട്ട് സംഭാവന ചെയ്തത്.
ഫെയ്സ്ബുക്കും പിന്നാലെ വാട്ട്സാപ്പും സമൂഹ്യമാധ്യമ രംഗം കയ്യടക്കിയതോടെ ഓര്ക്കുട്ടിനു നിലനില്പ്പ് ഇല്ലാതായി. എന്നാല് ഡാറ്റ ചോര്ച്ച വിവാദങ്ങള് ഫെയ്സ്ബുക്കിന്റെ നിലനില്പ്പിനു ഭീഷണിയുയര്ത്തുമ്പോഴാണ് ഹലോയുടെ വരവ്. തന്റെ പുതിയ ആപ്പിലൂടെ വന് തിരിച്ചു വരവു നടത്താന് സാധിക്കുമെന്ന ശുഭപ്രതീക്ഷയിലാണ് ഓര്ക്കുട്ട് ബുയോക്കോട്ടന്.
25 കോടിയിലധികമാണ് ഇന്ത്യയിലെ ഫെയ്സ്ബുക്ക് വരിക്കാര്. ഫെയ്സ്ബുക്കിന്റെ സ്ഥാനത്തേക്ക് ചുറവുടപ്പിച്ച് വിപണി കീഴടക്കാന് ഹലോയ്ക്ക് സാധിക്കുമോ എന്നാണ് ഐടി ലോകത്തെ ഇപ്പോഴത്തെ ചർച്ചാവിഷയം. ഇന്ത്യയിലും ബ്രസീലിലുമായിരുന്നു ഓര്ക്കുട്ടില് ഏറ്റവും കൂടുതല് ഉപയോക്താക്കള് ഉണ്ടായിരുന്നത്.
ഫെയ്സ്ബുക്കിനേക്കാള് സുരക്ഷ ഹലോ ഉറപ്പാക്കുന്നു എന്ന വാഗ്ദാനം തുറുപ്പുചീട്ടാക്കിയാണ് ഓര്ക്കുട്ട് ബുയോകോട്ടന് ടെക് ലോകം കീഴടക്കാന് ഒരുങ്ങുന്നത്.എന്തായാലും കാത്തിരുന്ന് തന്നെ കണ്ടേണ്ടിയിരിക്കുന്നു ഫേസ്ബുക്കിനെ വെല്ലാൻ ഹലോയ്ക്ക് സാധിക്കുമോയെന്നു.
https://www.facebook.com/Malayalivartha