പാകിസ്താന് മുന് പ്രധാനമന്ത്രി നവാസ് ശരീഫിന് ഇനി തെരഞ്ഞെടുപ്പില് മല്സരിക്കാനാവില്ല
പാകിസ്താന് മുന് പ്രധാനമന്ത്രി നവാസ് ശരീഫിന് ഇനി തെരഞ്ഞെടുപ്പില് മല്സരിക്കാനാവില്ല. നവാസ് ശരീഫിനെ അയോഗ്യനാക്കിയുള്ള ചരിത്ര വിധി വെള്ളിയാഴ്ചയാണ് പാക് സുപ്രീംകോടതി പുറപ്പെടുവിച്ചത്. ഭരണഘടനയിലെ 62(1)(ള) വകുപ്പ് പ്രകാരമാണ് നവാസ് ശരീഫിന് സുപ്രീംകോടതി വിലക്കേര്പ്പെടുത്തിയത്.
ഇതേ നിയമപ്രകാരം തെഹരീഖ്ഇഇന്സാഫ് നേതാവ് ജഹാംഗീര് തരീനെയും തെരഞ്ഞെടുപ്പില് മല്സരിക്കുന്നതില് നിന്ന് പാക് സുപ്രീംകോതി കഴിഞ്ഞ വര്ഷം വിലക്കിയിയിരുന്നു. പാനമ പേപ്പര് അഴിമതി കേസില് ഉള്പ്പെട്ട നവാസ് ശരീഫിന് കഴിഞ്ഞ വര്ഷം പ്രധാനമന്ത്രി സ്ഥാനം നഷ്ടപ്പെട്ടിരുന്നു. ഇതിന് പിന്നാലെയാണ് ഇതേ കേസുമായി ബന്ധപ്പെട്ട് അദ്ദേഹത്തിന് വിലക്ക് വരുന്നത്.
താന് തെറ്റൊന്നും ചെയ്തിട്ടില്ലെന്നും ഗൂഢാലോചനയുടെ ഭാഗമാണ് തനിക്കെതിരായ വിലക്കെന്നും നവാസ് ശരീഫ് പ്രതികരിച്ചു.
https://www.facebook.com/Malayalivartha