മുൻ പാക് പ്രധാനമന്ത്രി നവാസ് ഷരീഫിന് തിരഞ്ഞെടുപ്പുകളിൽ മത്സരിക്കുന്നതില് ആജീവനാന്ത വിലക്കേർപ്പെടുത്തിയതായി റിപ്പോർട്ടുകൾ. പനാമ കേസുമായി ബന്ധപ്പെട്ടാണ് പാകിസ്ഥാൻ സുപ്രീംകോടതി വിലക്ക് കൽപ്പിച്ചത്.

മുൻപ് ഇതേ നിയമപ്രകാരം തെഹരീഖ്​-ഇ-ഇന്‍സാഫ്​ നേതാവ്​ ജഹാംഗീര്‍ തരീനെയും തെരഞ്ഞെടുപ്പില്‍ മല്‍സരിക്കുന്നതില്‍ നിന്ന്​ പാക്​ സുപ്രീംകോടതി വിലക്കിയിരുന്നു. പനാമ പേപ്പര്‍ അഴിമതി കേസില്‍ ഉള്‍പ്പെട്ട നവാസ്​ ശരീഫിന്​ കഴിഞ്ഞ വര്‍ഷം പ്രധാനമന്ത്രി സ്ഥാനം നഷ്​ടപ്പെട്ടിരുന്നതിനു​ പിന്നാലെയാണ്​ ഇതേ കേസുമായി ബന്ധപ്പെട്ട്​ അദ്ദേഹത്തിന്​ വിലക്ക്​ വരുന്നത്​.

അതേസമയം താന്‍ തെറ്റൊന്നും ചെയ്​തിട്ടില്ലെന്നും ഗൂഢാലോചനയുടെ ഭാഗമാണ്​ തനിക്കെതിരായ വിലക്കെന്നും നവാസ്​ ശരീഫ്​ പ്രതികരിച്ചു.