വിവാഹം ക‍ഴിഞ്ഞ് 35 വര്‍ഷത്തിനുശേഷമാണ് ഒാമനിച്ചു വളര്‍ത്തിയ ഒൻപത് മക്കളും തന്‍റേതല്ലെന്ന് ഭര്‍ത്താവ് തിരിച്ചറിയുന്നത്. ഒൻപത് മക്കളും ഭാര്യയ്ക്ക് മറ്റൊരാളുമായുള്ള ബന്ധത്തില്‍ പിറന്നതാണെന്നറിഞ്ഞ അറബ് പൗരന്‍ ഇപ്പോൾ വിവാഹ മോചനത്തിലേക്ക് നീങ്ങിയിരിക്കുകയാണ്.

വൈദ്യ പരിശോധനയിലൂടെയാണ് മൊറോക്ക സ്വദേശി താനല്ല മക്കളുടെ പിതാവെന്ന് കണ്ടെത്തിയത്. അധ്യാപകന്‍ കൂടിയായ ഭര്‍ത്താവ് തനിക്ക് കുട്ടികള്‍ ഉണ്ടാകില്ലെന്നും വൈദ്യ പരിശോധനയില്‍ കണ്ടെത്തിയതായി കോടതിയെ അറിയിച്ചു.

50 വയസ് പ്രായമുള്ള ഈ അറബ് സ്വദേശി കുട്ടികളുടെ പിതൃത്വം തന്നില്‍ നിന്നും ഒഴിവാക്കി തരണമെന്ന് ആവശ്യപ്പെട്ട് ഇപ്പോൾ കോടതിയെ സമീപിച്ചിരിക്കുകയാണ്.