ലോകപ്രശസ്​ത സ്വീഡിഷ്​ സംഗീതജ്ഞനും ഡി.ജെയുമായ അവ്സി മരണപ്പെട്ടു. 28കാരനായ അവ്സിയുടെ മരണം മസ്ക്കറ്റിൽ വച്ചായിരുന്നു. മുൻപ് 2016 മാർച്ചിൽ​ആരോഗ്യ പ്രശ്​നങ്ങളെ തുടർന്ന്​ സംഗീത ലോകത്തുനിന്നും വിരമിക്കുന്ന കാര്യം അവിചി വെളിപ്പെടുത്തിയിരുന്നു​.

അവ്സി മരണപ്പെട്ടതായി അദ്ദേഹത്തി​​​ന്റെ വക്​താവ് ഡിയാന ബാരോൺ സ്ഥിരീകരിച്ചു. " ടിം ബെർലിങ്​ എന്ന അവ്സി മരണപ്പെട്ട വിവരം അങ്ങേയറ്റം ദുഃഖ​ത്തോടെ നിങ്ങളെ അറിയിക്കുകയാണ്​. വെള്ളിയാഴ്​ച ഉച്ചയോടെ മസ്​കറ്റിലാണ്​ അദ്ദേഹം മരണപ്പെട്ടത്​​. സംഭവം അറിഞ്ഞ് അദ്ദേഹത്തി​​​ന്റെ കുടുംബം മാനസികമായി​ തകർന്നിരിക്കുകയാണ്​. ഇൗ സാഹചര്യത്തിൽ അവരുടെ സ്വകാര്യത ബഹുമാനിക്കണം എന്ന്​ അപേക്ഷിക്കുന്നതായി " ഡിയാന ബാരോൺ അറിയിച്ചു.

ടിം ബെർഗ്ലിങ്​ എന്നാണ്​ അവ്സിയുടെ യഥാർഥ പേര്​. ​വേക്​ മി അപ്​, ഹേയ്​ ബ്രദർ, ​ലെവൽസ്​, വിതൗട്ട്​ യു തുടങ്ങിയ ആൽബങ്ങളിലൂടെ പ്രശസ്തനായ അവിചിയുടെ ആരോഗ്യ പ്രശ്​നങ്ങൾ എന്നും വാർത്തകളിൽ നിറഞ്ഞിരുന്നു.

അമിതമായ മദ്യപാനം കാരണം അദ്ദേഹത്തിന്​ അക്യൂട്ട്​ പാൻക്രിയാറ്റൈറ്റിസ്​ ബാധിച്ചിരുന്നു. 2014 ൽ അപൻഡിക്​സ്​, ഗാൽബ്ലാഡർ എന്നിവ ഒാപറേറ്റ്​ ചെയ്​ത്​ നീക്കിയതിനേ തുടർന്ന്​ നിരവധി പരിപാടികളിൽ നിന്നും വിട്ടു നിൽകേണ്ടിയും വന്നിരുന്നു.

ലോകത്താകമാനമുള്ള അവ്സി ആരാധകർ അദ്ദേഹത്തി​​ന്റെ തിരിച്ചുവരവ്​ പ്രതീക്ഷിച്ചിരിക്കുന്നതിനിടെയാണ്​ മരണത്തിന്​ കീഴടങ്ങുന്നത്​. മരണവിവരമറിഞ്ഞതും സാമൂഹ്യ മാധ്യമങ്ങളിൽ അനുശോചന പ്രവാഹമാണ്​.