പ്രമുഖ അമേരിക്കന്‍ ചലച്ചിത്ര താരം വെര്‍നെ ട്രോയര്‍ അന്തരിച്ചു. 49 വയസ്സായിരുന്നു അദ്ദേഹത്തിന്. കഴിഞ്ഞ മാസം മുതൽ ഇദ്ദേഹത്തെ ലോസ് ആഞ്ചലസിലെ ആശുപത്രിയില്‍ പ്രവേശിപ്പിച്ചിരുന്നു. അതേസമയം വെര്‍നെയുടെ മരണകാരണം വ്യക്തമാക്കിയിട്ടില്ല.

2 അടിയും 8 ഇഞ്ച് നീളവും മാത്രമുള്ള വെര്‍നെ മൈക്ക് മെയേഴ്സിന്റെ ഓസ്റ്റിന്‍ പവേഴ്സ് സ്പൈ സ്പൂഫ് ചിത്രങ്ങളില്‍ മിനി-മീ എന്ന പേരിലാണ് പ്രശസ്തനായത്. ഹാരിപോര്‍ട്ടര്‍ ആന്റ് ദി സോഴ്സേഴ്സ് സ്റ്റോണില്‍ ഗ്രിഫൂക്, ദി ലവ് ഗുരുവില്‍ കോച്ച്‌ പഞ്ച് ചെര്‍ക്കോവ്, ദി ഇമാജിനറിയം ഓഫ് ഡോക്ടര്‍ പാര്‍നസസില്‍ പേഴ്സിയായും ട്രോയര്‍ വേഷമിട്ടു.

മഡോണയുടെ 1999 ലെ ബ്യൂട്ടിഫുള്‍ സ്ട്രേഞ്ചര്‍ വീഡിയോയിലും ചില ടിവി റിയാലിറ്റി ഷോകളിലും വെര്‍നെ താരമായിരുന്നു.