അമേരിക്കയിൽ വീണ്ടും വെടിവെയ്പ്പ്; നഗ്നനായി റസ്റ്റോറൻറിലെത്തിയ യുവാവ് മൂന്നുപേരെ വെടിവെച്ചു കൊന്നു
അമേരിക്കയില് റസ്റ്റേറന്റിലുണ്ടായ വെടിവെയ്പില് മൂന്ന് പേര് കൊല്ലപ്പെട്ടതായി റിപ്പോർട്ടുകൾ. അതേസമയം ആക്രമണത്തിൽ നാലുപേർക്ക് ഗുരുതരമായി പരിക്കേല്ക്കുകയും ചെയ്തിട്ടുണ്ട്.
ടെന്നസ്സിയിലെ നാഷ്വില്ലിയിലുള്ള വാഫിള് ഹൗസ് റസ്റ്റോറന്റില് ഞായറാഴ്ച പുലര്ച്ചെ 3.25 നാണ് സംഭവം. നഗ്നനായി റസ്റ്റോറന്റിലെത്തിയ യുവാവ് തുടർച്ചായായി വെടിയുതിർക്കുകയായിരുന്നു. ടെന്നസി പോലീസിനെ ഉദ്ധരിച്ച് മാധ്യമങ്ങളാണ് ഇക്കാര്യം റിപ്പോര്ട്ട് ചെയ്തത്.
റസ്റ്റോറന്റിലുണ്ടായിരുന്ന നിരവധി പേര്ക്ക് വെടിയേറ്റു. മൂന്നു പേര് സംഭവസ്ഥലത്തുതന്നെ മരിച്ചതായാണ് റിപ്പോര്ട്ട്. തുടര്ന്ന്, കാവല്ക്കാരിലൊരാള് ഇയാളുടെ കൈയില്നിന്ന് തോക്ക് പിടിച്ചുവാങ്ങുകയായിരുന്നു.
ട്രാവിസ് റെയ്ന്കിങ് എന്ന 29 വയസ്സുള്ള യുവാവാണ് വെടിയുതിര്ത്തതെന്ന് പോലീസ് വ്യക്തമാക്കി. നഗ്നനായാണ് ഇയാള് റെസ്റ്റോറന്റിലെത്തിയതെന്നും വെടിവെച്ചശേഷം സംഭവ സ്ഥലത്തുനിന്ന് ഓടിരക്ഷപ്പെടുകയായിരുന്നെന്നും പോലീസ് പറഞ്ഞു. ഇയാള്ക്കുവേണ്ടി പോലീസ് വ്യാപകമായ തിരച്ചില് നടത്തിവരികയാണ്. റെയ്ക്കിംഗ് രജിസ്ട്രേഷനുള്ള വാഹനത്തിലാണ് ഇയാൾ രക്ഷപ്പെട്ടത്.
https://www.facebook.com/Malayalivartha