ലൈംഗികവൃത്തിയും 'എസ്കോര്ട്ടും' ഉള്പ്പെടെയാണ് 'സ്കില്ഡ് വര്ക്ക്' ആയി ചേര്ക്കാമെന്ന് ന്യൂസിലന്റ് സര്ക്കാര്, ലോകത്തിന്ന് നിര്ഭയമായി ലൈംഗികതൊഴിലെടുക്കാന് പറ്റുന്ന മികച്ച രാജ്യങ്ങളുടെ പട്ടികയില് ന്യൂസിലന്റുണ്ട്
ന്യൂസിലാന്റില് ലൈംലിഗ തൊഴിലാളികള് ഇനി മുതല് സ്കില്ഡ് വര്ക്കേഴ്സാണ്. ഇത് സംബന്ധിച്ച തീരുമാനം സര്ക്കാരെടുത്തു. 2003ല് ലൈംഗികവൃത്തി കുറ്റകരമല്ലാതാക്കുന്ന നിയമം ന്യൂസീലന്ഡ് പാര്ലമെന്റ് പാസാക്കിയിരുന്നു. കുടിയേറ്റക്കാരുടെ വീസ അപേക്ഷയില് 'തൊഴില് വൈദഗ്ധ്യം' സംബന്ധിച്ച കോളത്തില് ലൈംഗികവൃത്തിയും ചേര്ക്കാം. ലൈംഗികവൃത്തിയും 'എസ്കോര്ട്ടും' ഉള്പ്പെടെയാണ് 'സ്കില്ഡ് വര്ക്ക്' ആയി ചേര്ക്കാം. ഇമിഗ്രേഷന് വിഭാഗം വെബ്സൈറ്റില് ഇത് പറയുന്നുണ്ട്. ലൈംഗികവൃത്തി ജോലിയാക്കി താമസ വീസയ്ക്ക് അപേക്ഷിക്കാനൊക്കില്ല.അതേസമയം താല്ക്കാലിക വിസയിലെത്തി ലൈംഗിക വൃത്തിയിലേര്പ്പെടാനും പറ്റില്ല.
ഇതുവരെ ലൈംഗിക തൊഴിലാളികളാരും വിസയ്ക്ക് അപേക്ഷ നല്കിയിട്ടില്ല. മറ്റ് പല രാജ്യങ്ങളിലെയും നിയമമാണ് ഇതിന് തടസം നില്ക്കുന്നതെന്ന് ഏജന്സികള് ചൂണ്ടിക്കാട്ടുന്നു. ആസ്ത്രേലിയന് ആന്ഡ് ന്യൂസീലന്ഡ് സ്റ്റാന്ഡേര്ഡ് ക്ലാസിഫിക്കേഷന് ഓഫ് ഒക്യുപേഷന്സ്(ആന്സ്കോ) പട്ടികപ്രകാരമുള്ള യോഗ്യത ഉള്ളവര്ക്കേ വിസയ്ക്ക് അപേക്ഷിക്കാനാകൂ. സ്കില് ലെവല് അഞ്ചില് ഉള്ളവര്ക്കേ ലൈംഗിക തൊഴിലില് യോഗ്യതയുള്ളവരായി കണക്കാക്കുകയുള്ളൂ. ഇവര്ക്ക് മണിക്കൂറില് എത്ര വേതനം ലഭിക്കുമെന്നും ലൈംഗികവൃത്തിയില് ഏര്പ്പെടുന്നവര്ക്ക് സെക്കന്ഡറി വിദ്യാഭ്യാസം വേണമെന്നും മൂന്നു വര്ഷത്തെ 'അനുഭവപരിചയം' വേണമെന്നും പട്ടികയില് പറയുന്നു.
ന്യൂസിലന്റില് മുന്പും ലൈംഗിക തൊഴില് വ്യാപകമായിരുന്നെങ്കിലും അത് നിയമവിധേയമാക്കിയപ്പോള് എതിര്പ്പുകള് ഉയര്ന്നിരുന്നു. പക്ഷെ, പലരും സ്വാഗതം ചെയ്തിരുന്നു. സ്ത്രീകളായ തൊഴിലാളികളെ പലരും ചൂഷണം ചെയ്തിരുന്നു. അതില് നിന്ന് രക്ഷിക്കാനാണ് നിയമം പാസാക്കിയത്. പക്ഷെ, ലോകത്തിന്ന് നിര്ഭയമായി ലൈംഗികതൊഴിലെടുക്കാന് പറ്റുന്ന മികച്ച രാജ്യങ്ങളുടെ പട്ടികയിലാണ് ന്യൂസിലന്റ്.
https://www.facebook.com/Malayalivartha
