ഫേസ്ബുക്കിന് പിന്നാലെ ട്വിറ്ററും ഉപഭോക്താക്കളുടെ വിവരങ്ങള്‍ ചോർത്തി വിറ്റതായി റിപ്പോർട്ട്. ആഗോളതലത്തില്‍ പ്രശസ്തമായ മൈക്രോബ്ലോഗിങ് സൈറ്റാണ് ട്വിറ്റര്‍. ഫേസ്ബുക്ക് ഉപഭോക്താക്കളുടെ വിവരങ്ങള്‍ അവരുടെ അനുവാദമില്ലാതെ കേംബ്രിഡ്ജ് അനലിറ്റിക്ക ഉപയോഗിച്ചിരുന്നു അതിനു പിന്നാലെയാണ് സമാന വിവാദത്തില്‍ ട്വിറ്ററും പെട്ടിരിക്കുന്നത്. 2015 ല്‍ ഉപഭോക്താക്കളുടെ സ്വകാര്യ വിവരങ്ങള്‍ അനുവാദം കൂടാതെ കേംബ്രിഡ്ജ് സര്‍വകലാശാല മനശാസ്ത്ര ഗവേഷകനായ അലക്സാണ്ടര്‍ കോഹനും അദ്ദേഹത്തിന്‍റെ കമ്പനിയായ ഗ്ലോബല്‍ സയന്‍സ് റിസര്‍ച്ചിനും (ജി.എസ്.ആര്‍) വിറ്റതായാണ് റിപ്പോർട്ട്.

ദ സണ്‍ഡേ ടെലിഗ്രാഫാണ് ഇതുസംബന്ധിച്ച വിവരങ്ങൾ റിപ്പോര്‍ട്ട് ചെയ്തിരിക്കുന്നത്. അതേസമയം ആരുടെയും സ്വകാര്യ വിവരങ്ങള്‍ ജി.എസ്.ആര്‍ ന് കൈമാറിയിട്ടില്ലന്നാണ് ട്വിറ്ററിന്‍റെ വിശദീകരണം. ഒപ്പം ജി.എസ്.ആറിനെയും കേംബ്രിഡ്ജ് അനലിറ്റിക്കയെയും വെബ്സൈറ്റില്‍ പരസ്യം നല്‍കുന്നതില്‍ നിന്ന് വിലക്കിയിട്ടുണ്ടെന്ന് ട്വിറ്റര്‍ അറിയിച്ചു.