40,000 വര്‍ഷങ്ങള്‍ക്കു മുമ്പ് ജീവന്‍ പോയ ഒരു ചെന്നായയുടെ തല അമ്പരപ്പ് ഉയര്‍ത്തുന്നു. ഇതിന്റെ രോമങ്ങളോ പല്ലോ കൊഴിഞ്ഞിട്ടില്ല, തലച്ചോറിനും മുഖത്തിനും വലിയ കേടുപാടുകളുമില്ല.

റഷ്യയിലെ അതിശൈത്യമേഖലയില്‍ നിന്നാണ് ലോകത്തെ അമ്പരപ്പിക്കുന്ന ഈ ഭീമന്‍ ചെന്നായയുടെ തല ഗവേഷകര്‍ കണ്ടെത്തിയത്.

ഏറ്റവും ഒടുവിലത്തെ 'ഐസ് ഏജ്' കാലത്തുള്ളതാകാം ഈ ചെന്നായയെന്നും മൂന്നോ നാലോ വയസ് മാത്രമാണ് ഇതിന്റെ പ്രായമെന്നും ഗവേഷകര്‍ പറയുന്നു.

ഐസ് മൂടി കിടന്നത് കൊണ്ടാകാം ആയിരക്കണക്കിന് വര്‍ഷങ്ങള്‍ കഴിഞ്ഞിട്ടും ഇതിന്റെ തല നശിക്കാതെ കിടന്നത്. ശരീരം നിറയെ രോമങ്ങളുള്ള ഭീകരരൂപികളായ ആനകള്‍ ജീവിച്ചിരുന്നതായി സൂചനയുള്ള കാലത്ത് തന്നെയാണ് ഈ ചെന്നായയും ജീവിച്ചിരുന്നതെന്നാണ് നിഗമനം..

അക്കാലത്ത് ജീവിച്ചിരുന്ന മൃഗങ്ങളെപ്പറ്റിയുള്ള ഗവേഷണങ്ങളും പഠനങ്ങളും ഇപ്പോഴും തുടരുകയാണ്. ഇപ്പോള്‍ കണ്ടെത്തിയ ഈ ചെന്നായയുടെ തല വലിയ കണ്ടെത്തലുകള്‍ക്ക് സഹായിക്കുമെന്നാണ് ഗവേഷകരുടെ അഭിപ്രായം.