മകന്റെ അച്ഛന്; സ്റ്റീവ് ഇര്വിനെ സ്മരിച്ച് മകന്
ദ് ക്രോക്കഡൈല് ഹണ്ടര് എന്ന ടെലിവിഷന് പരമ്പരയിലൂടെ ലോകപ്രശസ്തനായ ഓസ്ട്രേലിയന് വന്യജീവി സംരക്ഷകനായ അന്തരിച്ച സ്റ്റീവ് ഇര്വിനെ അറിയാത്തവര് ചുരുക്കമാണ്.
സ്റ്റീവ് അകാലചരമമടഞ്ഞ് വര്ഷങ്ങള് കഴിഞ്ഞിട്ടും അദ്ദേഹത്തിന്റെ ഓര്മകള് ലക്ഷക്കണക്കിനാളുകളുടെ മനസില് പതിഞ്ഞു കിടക്കുന്നു.
അദ്ദേഹം വിടവാങ്ങി 13 വര്ഷങ്ങള് കഴിയുന്ന വേളയില് ഒരു ചിത്രത്തിലൂടെ ഓര്മകളെ പിന്നിലേക്ക് കൊണ്ടുവരികയാണ് അദ്ദേഹത്തിന്റെ മകന് റോബര്ട്ട് ഇര്വിന്.
അച്ഛനെ പോലെ തന്നെ മുതലയ്ക്ക് ഭക്ഷണം നല്കുന്ന ചിത്രം പങ്കുവച്ചാണ് പിതാവിന്റെ അവിസ്മരണീയമായ ഓര്മകളെ ഇര്വിന് അയവിറക്കുന്നത്.
'മുറെയ്ക്ക് ഭക്ഷണം നല്കുന്ന ഞാനും അച്ഛനും. അതേ സ്ഥലം, അതേ മുതല, രണ്ട് ചിത്രങ്ങള്ക്കിടയില് 15 വര്ഷത്തിന്റെ വ്യത്യാസം'. റോബര്ട്ട് കുറിച്ചു. ഈ ചിത്രത്തിന് പ്രതികരണമായി നിരവധിയാളുകളാണ് രംഗത്തെത്തിയത്.
ചിത്രം സ്റ്റീവ് ഇര്വിന്റെ കാലഘട്ടത്തിലേക്ക് തങ്ങളെ മടക്കിക്കൊണ്ടുപോയെന്നാണ് ഭൂരിഭാഗമാളുകളുടെയും അഭിപ്രായം.
2006 സെപ്റ്റംബര് 4-ന് ഓഷ്യന്സ് ഡെഡ്ലിയെസ്റ്റ് എന്ന് പേരിട്ട ഡോക്യുമെന്ററി ചിത്രീകരിക്കുന്നതിനിടെയില് കടലിനടിയില് വച്ച് തിരണ്ടിയുടെ കുത്തേറ്റ് ചോരവാര്ന്നാണ് സ്റ്റീവ് മരണമടഞ്ഞത്.
https://www.facebook.com/Malayalivartha