ഒളിമ്പിക്സ് സെമി ഫൈനലില് ഇന്ത്യന് പുരുഷ ഹോക്കി ടീമിന് തോല്വി
ഒളിമ്പിക്സ് സെമി ഫൈനലില് ഇന്ത്യന് പുരുഷ ഹോക്കി ടീമിന് തോല്വി. ലോക ചാമ്പ്യന്മാരായ ബെല്ജിയമാണ് ഇന്ത്യയെ കീഴടക്കിയത്. രണ്ടിനെതിരേ അഞ്ചുഗോളുകള്ക്കാണ് ബെല്ജിയത്തിന്റെ വിജയം.
ഇതോടെ ഇന്ത്യയുടെ ഫൈനല് മോഹങ്ങള് അവസാനിച്ചു. എന്നാല് മെഡല് പ്രതീക്ഷ അവസാനിച്ചിട്ടില്ല. വെങ്കല മെഡലിനായുള്ള മത്സരത്തില് ഇന്ത്യ, ഓസ്ട്രേലിയജര്മനി മത്സരത്തില് പരാജയപ്പെടുന്ന ടീമിനെ നേരിടും.
ബെല്ജിയത്തിനായി അലെക്സാണ്ടര് ഹെന്ഡ്രിക്സ് ഹാട്രിക്ക് നേടിയപ്പോള് നേടിയപ്പോള് ഫാനി ലൂയ്പേര്ട്ടും ഡൊമിനിക് ഡോഹ്മെനും സ്കോര് ചെയ്തു.
ഇന്ത്യയ്ക്ക് വേണ്ടി മന്പ്രീത് സിങ്ങും ഹര്മന് പ്രീത് സിങ്ങും ഗോള് നേടി. 1980 ന് ശേഷം ഒളിമ്പിക്സ് ഫൈനലിന് യോഗ്യത നേടുക എന്ന ഉറച്ച ലക്ഷ്യവുമായി ഇറങ്ങിയ ഇന്ത്യന് ടീം മികച്ച പ്രകടനമാണ് പുറത്തെടുത്തത്.
ഒരു ഗോള് വഴങ്ങിയ ശേഷം രണ്ട് ഗോളുകള് തിരിച്ചടിച്ച് വിജയപ്രതീക്ഷയും നിലനിര്ത്തി. എന്നാല് തകര്പ്പന് തിരിച്ചുവരവ് നടത്തിയ ബെല്ജിയം മത്സരം ഇന്ത്യയില് നിന്നും തട്ടിയെടുക്കുകയായിരുന്നു.
https://www.facebook.com/Malayalivartha