ഒളിമ്പിക്‌സ് ഗോള്‍ഫില്‍ അപ്രതീക്ഷിത മെഡല്‍ പ്രതീക്ഷയുമായി ഇന്ത്യയെ ത്രസിപ്പിച്ച അദിതി അശോകിന് നിരാശ. അവസാന റൗണ്ടില്‍ നാലാം സ്ഥാനത്തേക്ക് വഴുതിയ അദിതി മെഡല്‍ കൈവിട്ടു.

വനിതകളുടെ വ്യക്തിഗത സ്‌ട്രോക്‌പ്ലേയില്‍ ആദ്യ മൂന്നു റൗണ്ട് പൂര്‍ത്തിയായപ്പോള്‍ രണ്ടാം സ്ഥാനത്തായിരുന്ന അദിതി നിര്‍ണായകമായ നാലാം റൗണ്ടില്‍ പിന്നിലേക്കുപോയി.

ലോക ഒന്നാം നമ്ബര്‍ താരം അമേരിക്കയുടെ നെല്ലി കോര്‍ഡയ്ക്കാണ് സ്വര്‍ണം. മോശം കാലാവസ്ഥ നിമിത്തം നാലാം റൗണ്ട് മത്സരങ്ങള്‍ വൈകിയാണ് ആരംഭിച്ചത്.

മെഡല്‍ നഷ്ടപ്പെട്ടെങ്കിലും ഗോള്‍ഫില്‍ അഭിമാനപോരാട്ടം കാഴ്ചവച്ചാണ് ഇന്ത്യന്‍ താരം മടങ്ങുന്നത്. അദിതിയുടെ രണ്ടാമത്തെ ഒളിമ്പിക്‌സായിരുന്നു ഇത്.