പാരാലിമ്പിക്സില്‍ വനിതാ ടേബിള്‍ ടെന്നീസില്‍ ഭവിന പട്ടേലിന് വെള്ളി
പാരാലിമ്പിക്സില്‍ വനിതാ ടേബിള്‍ ടെന്നീസില്‍ ഇന്ത്യയുടെ ഭവിന പട്ടേലിന് വെള്ളി. ഫൈനലില്‍ ചൈനയുടെ ഷൗ യിങ്ങിനോട് നേരിട്ടുള്ള സെറ്റുകള്‍ക്ക്(3 0) നായിരുന്നു ഭവിനയുടെ തോല്‍വി.
തുടക്കം മുതല്‍ക്ക് തന്നെ ചൈനീസ് താരം ഇന്ത്യന്‍ താരത്തിന് മേല്‍ ആധിപത്യം സ്ഥാപിച്ചിരുന്നു.
മത്സരത്തില്‍ ചൈനീസ് താരത്തിനെതിരെ കാര്യമായ വെല്ലുവിളി ഉയര്‍ത്താന്‍ ഭവിനയ്ക്ക് സാധിച്ചില്ല. നേരത്തെ ഗ്രൂപ്പ് ഘട്ട മത്സരത്തില്‍ ഇരുവരും നേര്‍ക്കു നേര്‍ മത്സരിച്ചപ്പോഴും ഭവിന പട്ടേലിന് തോല്‍വിയേറ്റു വാങ്ങേണ്ടി വന്നിരുന്നു.
ക്ലാസ് ഫോര്‍ വനിതാ ടേബിള്‍ ടെന്നീസ് സെമിയില്‍ ചൈനയുടെ ലോക മൂന്നാം നമ്പര്‍ താരം ഷാങ് മിയാവോയെ അട്ടിമറിച്ചാണ് ഭവിന ഫൈനലിലേക്ക് യോഗ്യത നേടിയത്. ഇത്തവണത്തെ ആദ്യ മെഡല്‍ കൂടിയാണിത്.
34 കാരിയായ ഭവിന അഹമ്മദാബാദ് സ്വദേശിനിയാണ്. ഇതാദ്യമായാണ് ഒരു ഇന്ത്യന്‍ താരം പാരാലിമ്പിക്സ് ടേബിള്‍ ടെന്നീസില്‍ മെഡല്‍ സ്വന്തമാക്കുന്നത്.
"
https://www.facebook.com/Malayalivartha
