പാരാലിമ്പിക്സില്‍ ഇന്ത്യയ്ക്ക് എട്ടാം മെഡല്‍... എയര്‍ പിസ്റ്റള്‍ എസ്എച്ച് 1 വിഭാഗത്തില്‍ ഇന്ത്യയുടെ ഷൂട്ടര്‍ സിങ് രാജ്‌ അധാന വെങ്കല മെഡല്‍ സ്വന്തമാക്കി
31 AUGUST 2021 01:58 PM IST
മലയാളി വാര്‍ത്ത
പാരാലിമ്പിക്സില്‍ ഇന്ത്യയ്ക്ക് എട്ടാം മെഡല്‍. പുരുഷന്‍മാരുടെ (പി1) 10 മീറ്റര്‍ എയര്‍ പിസ്റ്റള്‍ എസ്എച്ച് 1 വിഭാഗത്തില്‍ ഇന്ത്യയുടെ ഷൂട്ടര്‍ സിങ് രാജ്‌ അധാന വെങ്കല മെഡല്‍ സ്വന്തമാക്കി.
ടോക്യോ പാരാലിമ്പിക്സ് ഷൂട്ടിങ്ങില്‍ ഇന്ത്യയുടെ രണ്ടാം മെഡലാണിത്. 216.8 പോയന്റുകളുമായാണ് സിങ് രാജിന്റെ നേട്ടം. യോഗ്യതാ റൗണ്ടില്‍ ആറാമനായാണ് താരം ഫൈനലിന് യോഗ്യത നേടിയത്.
ഈ വിഭാഗത്തില്‍ ചൈന ആധിപത്യം തുടര്‍ന്നു. പാരാലിമ്പിക് റെക്കോഡോടെ നിലവിലെ ചാമ്പ്യന്‍ ചൈനയുടെ ചാവോ യാങ് (237.9) സ്വര്‍ണം നേടിയപ്പോള്‍ ചൈനയുടെ തന്നെ ഹുവാങ് സിങ് (237.5) വെള്ളി മെഡല്‍ സ്വന്തമാക്കി.
"
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
