ബുംറയ്ക്ക് റെക്കോര്‍ഡ് നേട്ടം.. ട്വന്റി20 യില്‍ ഏറ്റവും കൂടുതല്‍ വിക്കറ്റ് നേടുന്ന ഇന്ത്യന്‍ താരമെന്ന റിക്കാര്‍ഡ് സ്വന്തമാക്കി ജസ്പ്രീത് ബുംറ. സ്‌കോട്ട്ലന്‍ഡിനെതിരായ മത്സരത്തിലാണ് ബുംറ റിക്കാര്‍ഡ് നേട്ടം കരസ്ഥമാക്കിയത്.

ആദ്യ സ്‌പെല്ലില്‍ സ്‌കോട്ട്‌ലന്‍ഡ് ക്യാപ്റ്റന്‍ കെയ്ല്‍ കോറ്റ്സറിനെ പുറത്താക്കിയ ബുംറ തന്റെ ട്വന്റി20 വിക്കറ്റ് നേട്ടം 63 ആയി ഉയര്‍ത്തി. ഇതോടെ യശ്വേന്ദ്ര ചാഹലിനൊപ്പമെത്തി.

രണ്ടാം സ്‌പെല്ലില്‍ മാര്‍ക് വാട്ടിനെ ബൗള്‍ഡാക്കിയ ബുംറ ഇന്ത്യയുടെ ടി20 വിക്കറ്റ് നേട്ടക്കാരില്‍ ഒന്നാമനായി. 3.4 ഓവറില്‍ 10 റണ്‍സ് മാത്രം വിട്ടുകൊടുത്താണ് സ്‌കോട്ട്‌ലന്‍ഡിന്റെ രണ്ട് വിക്കറ്റുകള്‍ നേടിയത്. സ്‌കോട്ട്ലന്‍ഡിനെ ഇന്ത്യ എട്ടു വിക്കറ്റിനാണ് പരാജയപ്പെടുത്തിയത്.


നെറ്റ് റണ്‍റേറ്റില്‍ മുന്നിലുണ്ടായിരുന്ന അഫ്ഗാനിസ്ഥാനെ മറികടക്കാന്‍ 7.1 ഓവറില്‍ വിജയലക്ഷ്യം മറികടക്കേണ്ടിയിരുന്ന ഇന്ത്യ, വെറും 39 പ ന്തില്‍ ലക്ഷ്യത്തിലെത്തി. ടോസ് നഷ്ടപ്പെട്ട് ബാറ്റിംഗിന് ഇറങ്ങിയ സ്‌കോട്ട്ലന്‍ഡ് 17.4 ഓവറില്‍ 85 റണ്‍സിന് പുറത്തായി.