ഖത്തര്‍ ലോകകപ്പ് ഫുട്‌ബോളിനുള്ള യോഗ്യത നേടി മുന്‍ ചാമ്പ്യന്‍മാരായ ബ്രസീല്‍
ദക്ഷിണ അമേരിക്കന്‍ യോഗ്യതാ റൗണ്ടില്‍ കൊളംബിയയെ എതിരില്ലാത്ത ഒരു ഗോളിന് കീഴടക്കിയാണ് ബ്രസീല്‍ യോഗ്യത ഉറപ്പാക്കിയത്. 2022 ഖത്തര്‍ ലോകകപ്പ് ഫുട്‌ബോളിനുള്ള യോഗ്യത നേടി മുന്‍ ചാമ്പ്യന്‍മാരായ ബ്രസീല്‍. 72ാം മിനിറ്റില്‍ ലൂക്കാസ് പക്വേറ്റയാണ് ബ്രസീലിന്റെ വിജയഗോള്‍ നേടിയത്.
ജയത്തോടെ ദക്ഷിണ അമേരിക്കന്‍ മേഖലയില്‍ നിന്നു ഖത്തര്‍ ലോകകപ്പിന് യോഗ്യത നേടുന്ന ആദ്യ ടീമായി ബ്രസീല്‍. യോഗ്യതാ റൗണ്ടില്‍ 12 മത്സരങ്ങളില്‍ 34 പോയിന്റുമായി ഒന്നാമതാണ് ബ്രസീല്‍.
യോഗ്യതാ റൗണ്ടില്‍ ആദ്യ നാല് സ്ഥാനങ്ങളിലെത്തുന്ന ടീമുകളാണു ലോകകപ്പിനു നേരിട്ടു യോഗ്യത നേടുക. അഞ്ചാം സ്ഥാനത്തെത്തുന്ന ടീം വന്‍കരാ പ്ലേ ഓഫ് കളിക്കേണ്ടി വരും. 25 പോയിന്റുള്ള അര്‍ജന്റീനയ്ക്കും ശനിയാഴ്ച യുറഗ്വായെ തോല്‍പിച്ചാല്‍ യോഗ്യത ഏറെക്കുറെ ഉറപ്പിക്കാം.
യുറഗ്വായ്‌ക്കെതിരെ ക്യാപ്റ്റന്‍ ലയണല്‍ മെസിയുടെ പരിക്കാണ് അര്‍ജന്റീന പരിശീലകന്‍ ലയണല്‍ സ്‌കലോനിയെ അലട്ടുന്നത്. കാല്‍മുട്ടിനേറ്റ പരുക്കു മൂലം ഫ്രഞ്ച് ക്ലബ് പിഎസ്ജിയുടെ കഴിഞ്ഞ 2 മത്സരങ്ങളിലും മെസി കളിച്ചിരുന്നില്ല. യുറഗ്വായ്‌ക്കെതിരെ മെസി ഇറങ്ങുമോയെന്ന് കണ്ടറിയാം. അടുത്ത ബുധനാഴ്ച ആരാധകര്‍ കാത്തിരിക്കുന്ന അര്‍ജന്റീന-ബ്രസീല്‍ മത്സരവുമുണ്ട്‌.
"
https://www.facebook.com/Malayalivartha
