കറാച്ചി സ്റ്റോക്എക്‌സ്‌ചേഞ്ചില്‍നടന്ന വന്‍ ഭീകരാക്രണത്തില്‍ 11 പേരാണ് കൊല്ലപ്പെട്ടത്. ഈ ഭീകരാക്രമണത്തില്‍ ഇന്ത്യയെ പഴിചാരി പാകിസ്ഥാന്‍ രംഹഗത്തെത്തിയിരുന്നു. ഇപ്പോഴിതാ പാകിസ്താന് ചുട്ട മറുപടിയുമായി ഇന്ത്യയും രംഗത്ത്. ആഭ്യന്തര പ്രശ്നങ്ങളുടെ ഉത്തരവാദിത്വം ഇന്ത്യയുടെ തലയില്‍ കെട്ടിവയ്ക്കാന്‍ പാകിസ്താന് കഴിയില്ലെന്ന് കേന്ദ്ര വിദേശകാര്യ മന്ത്രാലയം അറിയിച്ചു. കറാച്ചിയില്‍ ഉണ്ടായ ഭീകരാക്രമണത്തിന് പിന്നില്‍ ഇന്ത്യയാണെന്ന തരത്തില്‍ പാക്വിദേശകാര്യ മന്ത്രി പ്രസ്താവന നടത്തിയിരുന്നു. ഇതിന് പിന്നാലെയാണ് ഇന്ത്യ മറുപടി നല്‍കിയത്.

രാജ്യത്തിന് അകത്തുണ്ടാകുന്ന പ്രശ്നങ്ങളുടെ ഉത്തരവാദിത്വം പാകിസ്താന് ഇന്ത്യയ്ക്ക് മേല്‍ ചുമത്താന്‍ കഴിയില്ല. പാകിസ്താനില്‍ നിന്നും വ്യത്യസ്തമായി ലോകത്ത് എവിടെ നടക്കുന്ന ഭീകരാക്രമണങ്ങളും തെറ്റാണെന്ന് പറയാന് ഇന്ത്യക്ക് യാതൊരു മടിയും ഇല്ലെന്നും വിദേശകാര്യ മന്ത്രാലയം വ്യക്തമാക്കി.

ഇന്ന് രാവിലെയാണ് കറാച്ചിയിലെ സ്റ്റോക്ക് എക്സ്ചേഞ്ചിന് നേരെ ഭീകരാക്രമണം ഉണ്ടായത്. ആക്രമണത്തില്‍ 11 പേര്‍ കൊല്ലപ്പെട്ടിട്ടുണ്ടെന്നാണ് റിപ്പോര്‍ട്ടുകള്‍. ആയുധങ്ങളുമായി എത്തിയ ഭീകരര്‍ കവാടത്തില്‍ ഗ്രനേഡ് എറിഞ്ഞ ശേഷമായിരുന്നു ആക്രമണം നടത്തിയത്.

സംഭവ സമയത്തുതന്നെ പാക് സുരക്ഷാസേന എക്‌സ്‌ചേഞ്ച് കെട്ടിടം വളഞ്ഞിരുന്നു. സ്റ്റോക്എക്‌സ്‌ചേഞ്ച് ഗേറ്റിന് നേരെ ബോബെറിഞ്ഞ ശേഷം ജനങ്ങള്‍ക്ക് നേരെ വെടിയുതിര്‍ക്കുയായിരുന്നു. നാല് ഭീകരരാണ് ആക്രമണത്തില്‍ പങ്കെടുത്തതെന്നാണ് വിവരം.