ഏകദിന ക്രിക്കറ്റ് ലോകകപ്പ് ട്രോഫി ഈ മാസം 10 മുതല്‍ 12 വരെ കേരളത്തില്‍. ലോകകപ്പിനു മുന്നോടിയായി നടത്തുന്ന പര്യടനത്തിന്റെ ഭാഗമായാണ് ട്രോഫി കേരളത്തില്‍ എത്തുന്നത്.

രണ്ട് ദിവസങ്ങളിലായി തിരുവനന്തപുരവും കൊച്ചിയും ഉള്‍പ്പെടെയുള്ള നഗരങ്ങളില്‍ പര്യടനം നടത്തും. കഴിഞ്ഞ 26ന്, ഭൂമിയില്‍ നിന്ന് ഏകദേശം 120000 അടി ഉയരത്തിലുള്ള സ്ട്രാറ്റോസ്ഫിയറില്‍ നിന്നാണ് ലോകകപ്പ് ട്രോഫി പര്യടനം ആരംഭിച്ചത്.

ഉദ്ഘാടന വേദിയായ അഹമ്മദാബാദ് നരേന്ദ്രമോദി സ്റ്റേഡിയത്തില്‍ എത്തിച്ച ശേഷം അവിടെ നിന്ന് പര്യടനം തുടര്‍ന്നു. ഒക്ടോബര്‍ 5 മുതല്‍ നവംബര്‍ 19വരെ ഇന്ത്യയിലെ വിവിധ വേദികളിലായാണ് ലോകകപ്പ് മത്സരങ്ങള്‍ നടക്കുക.