തൊഴിൽ അന്വേഷകർക്ക് ഏറ്റവും പ്രിയപ്പെട്ട വിദേശ രാജ്യങ്ങൾ ബ്രിട്ടനും കാനഡയും
തൊഴിൽ അന്വേഷകർക്ക് ഏറ്റവും പ്രിയപ്പെട്ട വിദേശ രാജ്യങ്ങൾ ബ്രിട്ടനും കാനഡയും ആണെന്നാണ് വിദേശ തൊഴിലവസരങ്ങള്ക്കായുള്ള വെബ്സൈറ്റുകൾ കണ്ടെത്തിയിരിക്കുന്നത്.ബ്രെക്സിറ്റ് സംബന്ധിച്ച അനിശ്ചിതത്വം തുടരുമ്പോഴും ഏറെ ആൾക്കാരും ബ്രിട്ടനിൽ പുതിയ അവസരങ്ങൾ ഉണ്ടാകുമെന്ന പ്രതീക്ഷയിലാണ്. മാത്രവുമല്ല ബ്രെക്സിറ്റ് നടപ്പിൽ വരുന്നതോടെ വിദേശ തൊഴിൽ അന്വേഷകർക്ക് ധാരാളം അവസരങ്ങൾ ലഭ്യമാകുമെന്ന പ്രതീക്ഷയും ഉണ്ട്. ഇതോടെ കാനഡയ്ക്ക് പുറമെ ബ്രിട്ടനിലേക്കുള്ള കുടിയേറ്റത്തിലും ഗണ്യമായ വർധനയാണ് ഉണ്ടായിരിക്കുന്നത്
ഉയർന്ന ശമ്പളം ലഭിക്കുന്ന മികച്ച ജോലികൾക്കാണ് കൂടുതൽ അവസരമുണ്ടാകാൻ സാധ്യത എന്നും വിലയിരുത്തപ്പെടുന്നു. ഐ ടി ഗവേഷണം, സാമ്പത്തികം തുടങ്ങിയ മേഖലകളിലാണ് തൊഴിലന്വേഷകർ ശ്രദ്ധ കൊടുക്കുന്നത് .
അതെ സമയം അമേരിക്കയോട് മുൻപ് ഉണ്ടായിരുന്ന താൽപ്പര്യം പൊതുവെ കുറഞ്ഞതായാണ് വിലയിരുത്തൽ . ട്രംപിന്റെ കുടിയേറ്റ വിരുദ്ധ നയങ്ങളും എച്ച് 1 ബി വിസ നിയന്ത്രണങ്ങളും ഇന്ത്യക്കാരുള്പെടെ അമേരിക്കയിലേക്ക് തൊഴില്തേടി പോകുന്നവരുടെ എണ്ണത്തിൽ കുറവ് വരാൻ കാരണമായിട്ടുണ്ട്.
https://www.facebook.com/Malayalivartha