ജര്മനിയുടെ ചരിത്രത്തിലാദ്യമായി ഒരു ട്രാന്സ്ജെന്ഡര് ബവേറിയന് പാര്ലമെന്റിലേക്ക് എംപിമായി തെരഞ്ഞെടുക്കപ്പെട്ടു
ജര്മനിയുടെ ചരിത്രത്തിലാദ്യമായി ഒരു ട്രാന്സ്ജെന്ഡര് ബവേറിയന് പാര്ലമെന്റിലേക്ക് എംപിമായി തെരഞ്ഞെടുക്കപ്പെട്ടു. സ്വര്ണമുടിയുള്ള വിഗ്ഗ് ധരിച്ചു സുന്ദരിയായി ടെസ ഗാന്സെറര് അടുത്ത ആഴ്ച എംപിയായി ചുമതലയേല്ക്കും.
ടെസ ഗാന്സെറര് ഇതുവരെ മാര്ക്കസ് ഗാന്സറർ ആയിരുന്നു. മാര്ക്കസ് ഗാന്സറർ ആയാണ് ടെസ നേരത്തെ തെരഞ്ഞെടുക്കപ്പെട്ടിട്ടുള്ളതും . സ്ത്രീയായി മാറിയതിന് ശേഷമാണ് ടെസ ഗാന്സെറര് എന്ന പേര് സ്വീകരിച്ചത് . ഇപ്പോൾ സ്ത്രീയായി മാറിയ ശേഷം വീണ്ടും ചുമതലയേല്ക്കുകയാണ്.
ലിംഗമാറ്റത്തിനുള്ള നിയമപരമായ സങ്കീര്ണതകള് പരിഹരിക്കാന് ശ്രമിക്കുമെന്ന് സ്ത്രീ എന്ന നിലയിലുള്ള ആദ്യ വാര്ത്താ സമ്മേളനത്തില് അവര് പ്രഖ്യാപിച്ചു.
2013ലാണ് ആദ്യമായി മാര്ക്കസ് ഗാന്സറർ പാര്ലമെന്റിലെത്തുന്നത്. ഗ്രീന് പാര്ട്ടിയുടെ പ്രതിനിധിയായാണ് മത്സരിച്ചത് . മാര്ക്കസ് എന്ന പേരില് പുരുഷനായാണ് ആദ്യ ടേം പൂര്ത്തിയാക്കിയത്. ഏതാനും ആഴ്ച മുന്പാണ് ഇനി താന് സ്ത്രീയായിരിക്കുമെന്ന് പ്രഖ്യാപിക്കുന്നത്.
കുറ്റിത്താടിയുമായി പ്രത്യക്ഷപ്പെട്ടിരുന്ന മാര്ക്കസ് ടെസയായി മാറിയപ്പോള് സ്വര്ണമുടിയുള്ള വിഗ്ഗാണ് ധരിക്കുന്നത്.
https://www.facebook.com/Malayalivartha
