അബുദാബിയിൽ കുടുംബ കലഹത്തിനിടെ ഭാര്യയെ കുത്തിവീഴ്ത്തി കടന്നു കളഞ്ഞ ഭർത്താവിനെ അറസ്റ്റു ചെയ്തു
അബുദാബിയിൽ കുടുംബ കലഹത്തിനിടെ ഭാര്യയെ കുത്തിക്കൊന്നയാളെ അബുദാബി പൊലീസ് അറസ്റ്റ് ചെയ്തു. കുടുംബ കലഹത്തിനിടെ കുത്തുകൊണ്ട് നിലത്തു വീണ യുവതിയെ മരണം ഉറപ്പാക്കുന്നത് വരെ യുവാവ് നിരവധി തവണ കുത്തുകയായിരുന്നു. അബുദാബിയിലെ കുറ്റാന്വേഷണ വിഭാഗമാണ് ഇക്കാര്യം വെളിപ്പെടുത്തിയത്.
അതേസമയം ദേഷ്യം സഹിക്കാനാവാതെയാണ് പ്രതി നിരവധി തവണ ഭാര്യയെ കുത്തി കൊന്നതെന്നും സംഭവത്തില് പ്രാഥമിക അന്വേഷണം പൂര്ത്തിയാക്കിയെന്നും ക്രിമിനല് ഇന്വെസ്റ്റിഗേഷന് വിഭാഗം ഡയറക്ടര് അറിയിച്ചു. തുടര് നിയമനടപടികള്ക്കായി കേസ് പ്രോസിക്യൂഷന് കൈമാറി.
അതേസമയം ഇക്കഴിഞ്ഞ ചൊവ്വാഴ്ച ഇന്സ്റ്റഗ്രാം പോസ്റ്റിലൂടെ അബുദാബി പോലീസ് സംഭവത്തില് ഖേദം പ്രകടിപ്പിക്കുകയും ദമ്പതികള് പരസ്പരം ക്ഷമിക്കുകയും അവരുടെ തര്ക്കങ്ങള് രമ്യമായി പരിഹരിക്കണമെന്ന് ആവശ്യപ്പെടുകയും ചെയ്തു. കൗണ്സലിംഗ് സെന്ററുകളുടെ സഹായത്തോടെ കുടുംബപ്രശ്നങ്ങളും വഴക്കുകളും പരിഹരിക്കാവുന്നതാണെന്നും പോലീസ് ഓര്മ്മിപ്പിച്ചു.
https://www.facebook.com/Malayalivartha
